Ævintýraheimur í Girona á Spáni

Þegar ég fór til Spánar í maí fór ég í dagsferð til Girona sem er falleg borg í um 100 km fjarlægð frá Barcelona. Ég hafði heyrt að borgin væri falleg en ég heillaðist algjörlega af fegurð hennar!

Ævintýralegur garður í kringum þetta forna virki sem heitir Forca Vella og var byggt af Rómverjum á öldum áður.

Mögnuð upplifun að labba um virkið og sjá allar þessar fornu minjar.

Virkið er umlukið trjám og gróðri og það eru gullfalleg blóm um allt.

Stórkostlegt!

Mér leið eins og ég væri stödd inni í einhverri ævintýraveröld…..

Hérna er ég í garðinum sem er bakvið dómkirkjuna í Girona, en kirkjan er alveg ótrúlega falleg bygging.

Minnir mig á kastala…..

Virkilega skemmtileg upplifun að ganga þarna um og skoða þessar fallegu byggingar. Það er líka svo ótrúlega góður ilmur þarna af öllum gróðrinum, mér leið svolítið eins og ég væri að ganga í gegnum gróðurhús eða blómagarð.

Kirkjan er mjög stór og það tekur alveg smá tíma að ganga allan hringinn.

Eins og eitt stórt listaverk.

Hérna er aðalinngangurinn að kirkjunni.

Og skreytingarnar á dómkirkjunni eru ótrúlega fallegar.

En ég skoðaði ekki bara kirkjuna þó hún hefði fengið verðskuldaðan tíma, það var yndislegt að ganga um miðbæinn og njóta.

Ég elska svona krúttlegar búðir og blóm!

Virkilega falleg göngugata þar sem hægt var að setjast niður og slaka á.

Og ég tek að sjálfsögðu myndir af öllum fallegu blómunum…..

Girona minnti mig vissulega á Tossa de Mar, þessar þröngu götur og skemmtilegi byggingarstíll.

Ég elska svona götur!

Ég verð bara að hafa nokkrar myndir með frá Tossa de Mar, ég svíf ennþá um á bleiku skýji eftir dvölina þar.

Fallega Tossa de Mar.

Ég hef sjaldan verið jafn heilluð af einum litlum bæ…..en ég mun svo sannarlega fara aftur til Tossa de Mar við fyrsta tækifæri.

Hversu fallegt!

Næst tek ég alla fjölskylduna með, en ég held að það sé mjög sniðugt að taka beint flug til Barcelona, vera með bílaleigubíl og keyra til Tossa de Mar og Girona. Fara jafnvel á fleiri skemmtilega staði í leiðinni, eins og Sitges en ég fór þangað í fyrra og fannst það æðislegur staður.

Hérna er ég við smábátahöfnina í Sitges….ljúfa lífið!