Það er fátt betra en klassískur heitur brauðréttur en mamma gerði þennan brauðrétt mjög oft í afmælum og veislum svo uppskriftin er komin frá henni.
Í afmælisveislum geri ég alltaf tvöfalda uppskrift og set í tvö eldföst mót og ef veislan er stór geri ég alveg fjórfalda uppskrift því þessi réttur klárast alltaf fyrst í öllum veislum hjá okkur fjölskyldunni.
UPPSKRIFT
1 dós aspas í bitum
1/2 pakki skinka
1 dós beikon smurostur
1 dós sveppa smurostur
1/2 dós sýrður rjómi
1 poki rifinn pizzaostur
1/2 pakki Hveiti Samlokubrauð frá Myllunni
AÐFERÐ:
1. Setjið í pott og bræðið á miðlungshita, smurost og sýrðan rjóma.
2. Setjið svo aspas í bitum og helminginn af safanum úr dósinni út í pottinn ásamt skinkunni í litlum bitum. Hrærið öllu vel saman.
3. Skerið brauðið í hæfilega stóra teninga og setjið þá út í blönduna. Ég sker alltaf skorpuna frá og nota ekki endann svo það fer ekki alveg 1/2 pakki af brauði útí, aðeins minna.
4. Blandið öllu vel saman og setjið í eldfast mót. Stráið rifna ostinum yfir og hitið brauðréttinn í ofni við 180 gráður á blæstri í 20-30 mínútur.
BJARGEY & CO. 