Hjá Lín Design fást yndislega falleg sængurföt fyrir þau minnstu, dúnsængur og koddar, fallegur ungbarnafatnaður og fylgihlutir.
Það er alltaf svo yndislegt að fá tækifæri til að gefa sængur- eða skírnargjöf og oftar en ekki legg ég leið mína í Lín Design til þess að finna fallega og dúnmjúka sængurgjöf.
Huggi ungbarnalínan er svo krúttleg en hún sækir innblástur í þá hugmynd að telja kindur og sofna vært. Hrúturinn Huggi sem er hannaður úr mjúkri bómull passar börnin með stóru hornunum sínum, huggar þau og faðmar. Huggi kemur í lítilli fatalínu, auk sængurvers, baðslopps og fleiri fylgihluta eins og Huggapúða sem segir faðmaðu mig!
Ungbarnafötin eru úr 100% bómull sem tryggir mýkt og gæði fyrir þau yngstu. Það sem ég elska við ungbarnafötin frá Lín Design er hvað þau eru með mjúkri teygju í mittið svo þau þrengja alls ekki að og síðan eru þau falleg og með góðu sniði.
Handklæðin og slopparnir eru líka svo dásamleg gjöf, en úrvalið er mikið af mjúkum og notalegum sloppum sem gott er að fara í beint eftir bað.
Ungbarna rúmföt frá Lín Design eru klassísk gjöf sem ég elska að gefa í sængur- og skírnargjafir en mér finnst líka svo gaman að gefa gjöf með fallegum íslenskum orðum.
Úrvalið er mikið og allskonar mynstur til sem vísa í íslenska náttúru með fallegum blómum og trjám sem mér finnst svo umvefjandi og falleg fyrir þau allra yngstu.
Í Lín Design fæst líka úrval fylgihluta, ungbarnahreiður, rimlahlífar, lök, smekkir, teppi og púðar.
Gjafirnar frá Lín Design koma líka alltaf að góðum notum og ég veit að þar fæ ég gæðavöru á sanngjörnu verði. Hvert sem tilefnið er það er alltaf hægt að finna mjúka og fallega gjöf í Lín Desgin og hægt að panta og fá sent með Póstinum á heimasíðunni:
BJARGEY & CO. 