Minn uppáhalds árstími er framundan, aðventan og jólin. Ég er byrjuð að setja niður lista, hvaða jólagjafir ég gef í ár og hvaða hugmyndir ég hef handa hverjum og einum. Þetta er eitt það skemmtilegasta sem ég geri, en mér finnst gott að hafa lista sem ég get strikað út af jafn óðum þegar ég finn réttu gjöfina.

Í samstarfi við Lindex ætla ég að gefa ykkur nokkrar jólagjafahugmyndir, en ég elska fötin frá Lindex og þar finn ég alltaf fallegar gjafir og föt fyrir mig sjálfa.

Falleg undirföt eru klassísk og falleg gjöf fyrir dömur, en úrvalið er mjög mikið hjá Lindex og starfsfólkið hjálpar þér að finna það sem þér hentar best.

Kósy sloppur er dásamleg jólagjöf en það er ekkert notalegra en að fara í mjúkan slopp og lesa góða bók um jólin. Fullkomin gjöf fyrir mömmu, ömmu eða bestu vinkonu!

Ég elska setja saman nokkra hluti í fallega gjafaöskju eða poka, það er eins og að opna góðan konfektkassa að setja saman snyrtivörur og dekur eins og maska eða krem. Í þessa öskju setti ég mjúk og falleg náttföt, kósý sokka og vel valdar snyrtivörur sem ég veit að munu gleðja.

Náttföt eru alltaf á jólagjafalistanum mínum og þessi dásamlegu bleiku náttföt eru bæði mjúk og falleg.

Á okkar heimili hefur skapast sú hefð að allir fái ný náttföt fyrir jólin, en við höfum verið svo heppin að stundum hefur einn af jólasveinunum komið færandi hendi með mjúkan pakka í skóinn á Þorláksmessu. Þeir eru svo yndislegir þessir sveinkar, hugsa fyrir öllu og vilja alltaf gleðja aðra.

Ég mun svo vera með á kósý jólakvöldi í Lindex á aðventunni þar sem við munum eiga saman notalega stund. Ég hjálpa ykkur að velja jólagjafir, segi ykkur frá Hamingjubók og við munum njóta saman ljúffengra veitinga. Ég deili með ykkur nánari upplýsingum þegar nær dregur og hlakka til að taka á móti ykkur í Lindex.