Hrekkjavökupartý eru orðin hluti af hverdagslífinu ár hvert í október en Hrekkjavakan sjálf er á morgun 31. október.
Við fjölskyldan höfum tekið þátt síðastliðin ár þó það sé ekki alltaf með sama sniði, en krakkarnir elska að fara í búninga og gera sér glaðan dag með hryllilegum skreytingum og veitingum.
Vikan hjá okkur hefur farið í undirbúning fyrir Hrekkjavökudiskó, Hrekkjavökuball, Hrekkjavökupartý og á morgun mega krakkarnir koma í búningum í skólann og síðan er hægt að fara út seinnipartinn í hverfinu og biðja um grikk eða gott!
Ég auðveldaði mér undirbúninginn fyrir partýið með því að panta Hrekkjavökutertu frá Tertugallerí en þær eru virkilega bragðgóðar og hryllilega flottar!
Krakkarnir gerðu svo allskonar snarl með Hrekkjavökuþema en það er mjög auðvelt að búa til bragðgóðar og skemmtilegar veitingar ef maður leyfir hugmyndafluginu að ráða för!
Hægt er að velja mismunandi myndir á kökurnar frá Tertugallerí og þar er líka hægt að fá þessar flottu Hrekkjavökubollakökur!
Við gerðum draugahús á efri hæðinni og notuðum háaloftið í það enda frekar óhugnalegt að fara þangað upp í myrkri….
Það er hægt að búa til ýmislegt úr gömlum lökum og með smá gervi kóngulóarvef….
Baðherbergið var líka skreytt og það var farið alla leið í hryllingi þar….
Krökkunum fannst mjög skemmtilegt að fá sér rauðan drykk sem minnir á eitthvað allt annað en hann er….en þetta er Ribena safi skreyttur með gerviaugum og stórum klaka.
Þau skreyttu líka sykurpúða með matarlit og rauðu súkkulaði…
Í stofunni vorum við með allskonar heimatilbúnar skreytingar og nýttum bara það sem var til og fannst í geymslunni.
Köngulóarvefurinn var mjög vinsæll en ég keypti hann í Partýbúðinni.
Hryllilega flottur þessi!
Gleðilega Hrekkjavöku og farið varlega á morgun þegar draugar og allskonar ófreskjur fara á stjá og biðja um grikk eða gott!
BJARGEY & CO. 