Ég hugsa að það hafi ekki farið framhjá neinum sem lesa bloggið mitt að ég elska hárvörurnar frá ELEVEN AUSTRALIA.
Nú hef ég notað vörurnar frá þeim í rúmt ár og ég gæti ekki án þeirra verið! Ég tek þær með mér í öll ferðalög enda hægt á fá þær í hentugum ferðastærðum.
HYDRATE MY HAIR línan gefur hárinu góðan raka og mér finnst hún nauðsynleg þegar ég finn að hárið er að verða þurrt, til dæmis í mikilli sól eða eða þegar kólnar í veðri. Ilmurinn af sjampóinu er dásamlegur næringin er frábær.
Mér finnst alveg nauðsynlegt að taka smá extra dekur annað slagið og þá set ég djúpnæringu í hárið – 3 MINUTE REPAIR RINSE OUT TREATMENT og það er algjör snilld að nota augnmaskann frá ELEVEN AUSTRALIA í leiðinni, en hann er dásamlegur. Tekur ekki nema þrjár mínútur, kælir augnsvæðið og minnkar þrota. Gefur fullkominn raka og húðin undir augunum verður silkimjúk.
ELEVEN AUSTRALIA gerir líka besta húðkrem sem ég veit um!
Það heitir MOISTURE LOTION HAND & BODY CREAM og það inniheldur aloe, lífræna gúrku, kókosolíu og e-vítamín. Ég ber þetta krem á mig alla daga, það gefur fullkominn raka og ilmar dásamlega. Það róar líka og kælir húðina, en ég nota það sérstaklega sem After Sun í utanlandsferðum og ég finn hvað það hefur góð áhrif enda byggir E – vítamín upp húðfrumur og Aloe Vera er einstaklega græðandi.
Ég ákvað að taka saman mínar allra uppáhaldsvörur frá ELEVEN AUSTRALIA fyrir þessa færslu og tók mynd af þeim saman í þessarri sætu körfu inni á baði hjá mér….
En þarna má sjá að ég nota bæði HYDRATE línuna fyrir raka og SMOOTH línuna sem gerir hárið silkimjúkt og laust við allan flóka. Ég nota líka fjólubláa sjampóið annað slagið ef mér finnst hárið upplitast í sól eða vera farið gulna sem gerist gjarnan þegar maður litar hárið ljóst.
Ef þú ert að leita að frábærum hár- og húðvörum þá mæli ég með því að þú prófir ELEVEN AUSTRALIA, þær fást á mörgum hárgreiðslustofum um land allt og til dæmis í netverslunni Sápa.is.
BJARGEY & CO. 