Bolludagur!

Nú er Bolludagurinn á mánudaginn næsta en þar sem við Íslendingar tökum allt með trompi má segja að hin árlega Bolludagshelgi sé framundan.

Við höfum alltaf haldið upp á Bolludaginn og fengið okkur nokkrar bollur, en vatnsdeigsbollur eru í uppáhaldi hjá okkur fjölskyldunni og þá þessar klassísku með rjóma, sultu og súkkulaði.

Það er svo mikil snilld að frá Myllunni er hægt að kaupa tilbúnar vatnsdeigsbollur í næstu verslun og bolluglassúr í þremur bragðtegundum, súkkulaði, bleikan og karamellu.

Hver og einn getur svo sett saman sína eigin bollu eftir sínum smekk.

Það tók mig því ekki nema 5 mínútur að græja smá bolluveislu fyrir okkur fjölskylduna, ég þeytti rjóma og setti inn í bollurnar og á toppinn fór bolluglassúr frá Myllunni.

Nú er bara að njóta og gæða sér á gómsætri rjómabollu!

Gleðilega Bolludagshelgi!