Smurbrauð fyrir sælkera

 

Nú er aðventan á næsta leyti og ég ákvað að setja saman nokkrar hugmyndir að góðu smurbrauði og snarli sem tilvalið er að njóta á aðventunni ef maður vill gera vel við sig eða bjóða uppá eitthvað gómsætt þegar gesti ber að garði.

Ég elska gott smurbrauð og mér finnst gott að hafa það í hollari kantinum, enda er nóg um sætar freistingar á þessum árstíma.

Ég er mjög hrifin af Lífskornabrauðinu frá Myllunni en nýjasta Lífskornabrauðið hefur sjö tegundir af kornum og fræjum og því einstaklega hollt og trefjaríkt. Í brauðinu eru hafraflögur, sólbólmafræ, hörfræ, rúgkjarnar, graskersfræ, sesamfræ og spelthveiti sem gerir það að verkum að brauðið er sérstaklega þétt og saðsamt.

Mín uppáhalds samsetning er að setja saman birkireyktan silung og rjómasost á brauðið. Einfalt en virkilega bragðgott.

Einnig er gott að setja saman hummus, chorizo pylsu, papriku og steinselju en auðvitað getur maður látið hugmyndaflugið ráða ferðinni.

Hátíðasíldin er svo alltaf klassísk á aðventunni og er einstaklega góð með Lífskornabrauðinu, eggjum, lauk og steinselju. Það er alveg tilvalið að bjóða upp á gómsætt smurbrauð í næsta jólaboði, gestirnir munu svo sannarlega fara saddir og sælir heim.