Hvað er betra en bráðinn gullostur með hlynsírópi, döðlum og ristuðum kasjúhnetum?
Líklega ekkert nema þá að dýfa ristuðu sjö korna lífskornabrauði í sæluna og leyfa því að bráðna í munninum……
Þetta er svo ótrúlega einfalt og fljótlegt í undirbúningi en getur ekki klikkað.
Þú einfaldlega setur gullost á litla pönnu eða í eldfast mót, hellir hlynsírópi yfir og setur saxaðar döðlur og kasjúhnetur yfir.
Bræðir svo saman við miðlungshita á pönnunni í nokkrar mínútur eða hitar í ofni við 160 gráður í 30 mínútur eða þar til osturinn er orðin mjúkur að innan.
Síðan ristar þú 7 korna lífskornabrauðið og skerð í fernt, þá ertu komin með hæfilega stóra bita til að dýfa í ostabræðinginn eða setja hann á brauðið með skeið.
Þessi himneska ostasæla er snilld í saumaklúbbinn, á veisluborðið eða bara ef þig langar í eitthvað ómótstæðilega gott á aðventunni meðan þú horfir á uppáhalds jólamyndina.
Njóttu vel!
BJARGEY & CO. 