Blóm og blúndur

Hún Auður vinkona mín opnaði nýverið litlu búðina Mía & Míó og ég er svo dolfallin fyrir þeim gullfallegu barnafötum sem hún býður uppá að ég bara verð að segja ykkur frá þeim. Þessi umfjöllun er svo sannarlega ekki kostuð þó ég hafi unnið hana í samstarfi við Mía & Míó og allt álit er mitt einlægt mat á þessum dásamlega fallegu fötum.

Mía & Míó er vefverslun sem býður upp á fallegar, hágæða vörur fyrir börn, fjölskylduna og heimilið. Auður eigandi verslunar velur vörurnar inn í búðina af kostgæfni og velur einungis vörur sem hana myndi virkilega langa í og leggur mikla vinnu í að velja gæðavörur.

Auður velur fötin út frá uppruna, gæðum og fegurð. Hún segist halda mest upp á vörur sem koma frá sjálfbærri framleiðslu og telur það mikinn kost ef þær eru lífrænar, sérstaklega fyrir þau yngstu.

Fyrsta merkið sem Auður kom með inn í verslunina var neck & neck, en Mía & Míó var fyrsta vefverslunin í heiminum til að fá að taka það merki inn í Multibrand Concept, sem Auður segir hafa verið mjög áhugavert og skemmtilegt verkefni.

Fatnaðurinn frá neck & neck eru einstaklega falleg og vönduð barnaföt frá Spáni fyrir börn á aldrinum 0-12 ára og það stendur til að stækka úrvalið hjá þeim fyrir eldri börnin.

Auður er ekki einungis með vandaðan fatnað í versluninni, hún býður upp á dásamlega falleg stjörnukort sem hún handmálar sjálf.

Auður segir Stjörnumerki barnsins vera vinsæla gjafavöru úr eigin framleiðslu. Byrjaði það sem saklaus, persónuleg gjöf til barns í fjölskyldunni en vakti svo mikla lukku og eftirspurn. Hægt er að fá gjafabréf fyrir Stjörnumerki barnsins og er það vinsælt fyrir sængur- og skírnargjafir.

Verslunin er einnig með úrval af fallegum fatnaði frá Kidwild Organics sem eru lífræn ungbarnaföt á 0-2 ára sem henta bæði fyrir stelpur og stráka. Hönnunin á þeim er með í einföldum en fallegum stíl og viðkoman dásamleg.

Það eru svo miklir gleðitímar hjá okkur stórfjölskyldunni um þessar mundir en í fyrra eignaðist bróðir minn og mágkona yndislegu dótturina Ólöfu Aþenu og nú er von á fleiri gleðigjöfum í fjölskylduna þar sem yngsta systir mín hún Hulda Soffía á von á sínu fyrsta barni.

Við systurnar og vinkonur Huldu Soffíu héldum Baby Shower fyrir hana um helgina og áttum yndislega stund saman þar sem við komum henni á óvart með fallegu boði og gjöfum fyrir litlu dömuna sem er væntanleg í september .

Við færðum henni þetta fallega sett frá Mía & Míó sem er alveg pínu lítið og svo ótrúlega mjúkt.

Vinkona hennar bakaði þessar guðdómlega góðu og fallegu bollakökur sem skreyttu veisluborðið.

Listaverk!

Fallegu mæðgurnar, Ólöf Aþena og Selma mágkona mín í veislunni.

Það var að sjálfsögðu kaka líka en önnur vinkona hennar og samstarfskona bakaði þessa æðislegu köku sem var dásamlega góð.

Vinkonur hennar eru þvílíkir snillingar í bakstri!

Hulda fékk margar fallegar gjafir fyrir litlu dömuna en við gáfum henni líka þennan æðislega kjól sem fæst hjá Mía & Míó.

Ég á erfitt með mig þegar ég kemst nálægt svona fallegum barnafötum og er svo ótrúlega glöð yfir því að systkini mín eru farin að eignast börn þar sem ég er hætt barneignum og því get ég keypt eitthvað fallegt handa litlu krílunum þeirra.

Ég mæli svo sannarlega með því að þið skoðið úrvarið hjá Mía & Míó ef þið eruð að leita að fallegum barnafötum því þar finnið þið dásamlega falleg og vönduð barnaföt.