Í gær var ég með saumaklúbb eða réttara sagt bauð saumaklúbbnum mínum í 35 ára afmælisveislu. Ég ákvað að nota uppáhalds súkkulaðið mitt og búa til úr því tertu.

Hér er uppskriftin:

Botnar:

3 eggjahvítur

200 gr. púðursykur

100 gr. sykur

100 gr. kelloggs

Fylling:

1 stór rjómi þeyttur

1 plata af Galaxy Caramel

Á toppinn, brædd karamella t.d. nokkrar karamellur bræddar í potti með smá rjóma skvettu og 1 plata Galaxy Caramel í litlum bitum.

Aðferð:

Þeytið eggjahvíturnar og bætið sykrinum samanvið. Stífþeytið. Blandið svo muldu Kelloggs saman við rólega með sleikju. Smyrjið í tvo hringi á sitthvora bökunarplötuna með bökunarpappír undir og bakið við 130 gr. í 50 mín.

Þeytið rjómann. Bræðið eina plötu af Galaxy Caramel og setjið 2-3 msk. af þeyttum rjóma útí og þynnið þannig aðeins súkkulaðið. Kælið og blandið svo varlega saman við rjómann. Setjið á milli botnanna og skreytið svo toppinn.

Njótið vel!