Ef þig langar í eitthvað virkilega gott í vikunni þá mæli ég með þessum sælkera kjúklingarétti! Hugmyndina fékk ég útfrá því að ég hef oft bakað Brie ost með mangó chutney og sett ofan á Ritz kex, af hverju ekki að gera kjúklingarétt úr því!
Uppskrift
- 3-4 kjúklingabringur
- Eðal kjúklingakrydd frá Pottagöldrum
- Brie ostur
- Mangó chutney
- Rjómi
- Kasjú hnetur
- Ritz kex
Setjið kjúklingabringur í eldfast mót, ég sker þær í helminga. Kryddið með Eðal kjúklingakryddi frá Pottagöldrum.
Setjið vel af mangó chutney yfir bringurnar, setjið Brie ostinn yfir í bitum, setjið kasjú hnetur yfir og mulið Ritz kex. Hellið svo dass af rjóma yfir.
Bakið í ofni við 180 gráður í um 40 mínútur. Ofnar geta verið mismunandi svo best er að skera í bringurnar þegar þær eru teknar út og athuga hvort þær séu ekki örugglega eldaðar í gegn.
Berið fram með ykkar uppáhalds meðlæti. Ég var með ferskt salat, fetaost, súrdeigsbrauð og grænt pestó.
Njótið vel!
BJARGEY & CO. 
You must be logged in to post a comment.