Það er fátt betra en að fá nokkra frídaga í röð og geta slakað á með fjölskyldunni. Að fá frí frá daglegu amstri, skóla, leikskóla, vinnu, skutli, æfingum, heimilisstörfum og heimavinnu er bæði orkugefandi og endurnærandi. Okkur finnst mjög gott að komast út úr bænum í svona slökun og nutum þess að vera saman í páskafríi í fjölskyldubústaðnum í Grímsnesi.
Dóttir mín beið lengi eftir þessu fríi og var tilbúin kl.8:00 á brottfarardegi, klædd, greidd og með nauðsynlegan farangur eins og sést á myndinni! Henni fannst við alveg ótrúlega óskipulögð að vera ekki tilbúin á sama tíma og rak okkur áfram í að pakka niður 🙂
Hversu sæt! Með Mjallhvíti sína, sem er fjölskylduhundurinn í augnablikinu…..þangað til draumur okkar mun rætast að fá einn svona alvöru hnoðra til okkar.
Við elskum að spila með krökkunum og það fór mikill tími í það. Hér eru feðgarnir á góðri spilastundu.
Það fór svo ekkert á milli mála að það væru páskar….smá af súkkulaði með í för
Morgunverðurinn var heldur ekkert af verri endanum í fríinu….
Og ég litaði nokkrar myndir, alveg ótrúlega skemmtilegt áhugamál og góð fjölskyldusamvera. Við mæðgurnar getum alveg dottið í gírinn og litað fyrir allan peninginn, eigum nokkrar litabækur saman.
Þessir tveir eru hins vegar meira í því að teikna og lita ofurhetjur og Star Wars hetjur….þeir eru ekki eins mikið fyrir blómin og fiðrildin og við mæðgurnar…skil ekkert í þeim!
Að lokum verð ég að setja eina mynd af sólarlaginu, það er bara dásamlegt. Og við fegnum að njóta stjörnubjarts himins og glæsilegrar norðurljósasýningu í kvöldpottinum. Þetta er lífið….bara best.
Þangað til næst,
ykkar
Bjargey
BJARGEY & CO. 