Sólin kíkti aðeins á okkur í dag, klakinn er farinn af götunum og fuglarnir syngja hástöfum. Já vorið lét sjá sig í dag! Vonandi er það komið til að vera, en miðað við fyrri reynslu eru það líklega draumórar. En það má alltaf láta sig dreyma og því ákvað ég að sýna ykkur garðpartý sem við héldum fyrir elstu stelpuna okkar þegar hún varð 10 ára.
Við vildum hafa borðið litríkt og því völdum við þessa skrautlegu diska í versluninni Allt í Köku. Við fengum líka boxin þar og veifuna sem er í bakgrunni.
Túlípanarnir setja sumarlegan svip á borðið og nammið litríkt og flott borðskraut.
Yndislegt að geta haft partý úti í garði, enda er hann mikið notaður hjá okkur yfir sumartímann.
Afmælisbarnið var ánægð með daginn og þá er markmiðinu náð.
Gleðilegt sumar….þegar það lætur sjá sig 🙂
BJARGEY & CO. 