Dúnmjúk draumakaka

Uppáhalds súkkulaðiterta okkar allra í fjölskyldunni!

Uppskrift:

• 220 gr. púðursykur
• 150 gr. smjör
• 2 egg
• 300 gr. hveiti
• 40 gr. Síríus Konsum kakó
• 1 tsk. lyftiduft
• 1 tsk. matarsódi
• 4 dl. mjólk

Aðferð:

• Þeytið púðursykurinn og smjörið saman þar til blandan verður létt og ljós. Setjið síðan eggin saman við og hrærið vel saman.
• Blandið svo þurrefnunum saman við.
• Hrærið vel saman á miðlungshraða.
• Hellið deiginu í tvö hringlaga form, ég smyr þau aðeins að innan með íslensku smjöri. Bakið svo við 170-180 gráður á blæstri í 15-20 mín. Bökunartíminn getur verið misjafn eftir bakaraofnum svo langbest er að nota grillpinna og stinga í kökuna þegar hún lítur út fyrir að vera tilbúin, ef hann kemur hreinn út er hún tilbúin.

Krem uppskrift:

• 500 gr. flórsykur
• 300 gr. íslenskt smjör
• 50 gr. Síríus Konsum kakó
• 2 tsk. vanilludropar
• 4 msk. gott kaffi

Aðferð:

• Skerið smjörið í litla bita og þeytið lengi þar til það er orðið hvítt og létt. Bætið þá flórsykri við og þeytið aftur mjög vel.
• Bætið kakó, kaffi og vanilludropum útí og hrærið vel saman. 
• Þegar kakan er orðin hæfilega köld setjið þið kremið á.

Njótið vel!