Að mínu mati eru blóm eitt það fallegasta sem til er í þessum heimi. Litirnir, lögunin, lyktin… bara allt. Ég er svo heppin að eiga mömmu sem elskar blóm og fékk því að alast upp í blómahafi, bæði á heimilinu, í garðinum og í vinnunni hjá mömmu sem starfaði sem blómaskreytir og rak sína eigin blómaverslun um tíma.
Hérna eru nokkrar myndir af blómum sem ég hef notað í skreytingar heima hjá mér. Ég elska hvíta hluti og því gefa blóm heimilinu fallega liti og hlýju. Í vasanum hér að ofan er freesia sem er svo dásamlega falleg, minnir mig á vorið og gefur góða lykt.
Hérna er einföld og stílhrein borðskreyting, bleikar rósir settar í skál:
Túlípanar í fallegum gömlum vasa:
Freesia og gerbera fallegar saman í borðskreytingu, eins og þið sjáið þarf ekki endilega stóran blómvönd til að hafa fallegt, það getur alveg verið nóg að hafa eitt til tvö blóm og leyfa þeim að njóta sín.
En þau eru líka yndsleg mörg saman:
Og að lokum ein mynd af túlípönum, þeir eru mínir allra uppáhalds 🙂
Njótið helgarinnar og munið að það má alveg gefa sjálfum sér blóm!
BJARGEY & CO. 